პროგრამის სახელწოდება: ინფორმაციის ტექნოლოგია

პროგრამის განხორციელების ადგილი: სსიპ კოლეჯი ,,იბერია“,

მის: ქ. ქუთაისი, ზურაბ ანჯაფარიძის  ქ. N61

პროგრამის ხელმძღვანელი:  გოგა შალამბერიშე

სარეგისტრაციო ნომერი – 10112-პ

მისანიჭებელი კვალიფიკაცია: საბაზო პროფესიული კვალიფიკაცია ინფორმაციის ტექნოლოგიის მხარდაჭერაში / Basic Vocational Qualification in Information Technology Support;

პროგრამის მიზანი: პროფესიული საგანმანათლებლო პროგრამის მიზანია, ინფორმაციული ტექნოლოგიების სფეროსთვის უზრუნველყოს  კონკურენტუნარიანი კადრის აღზრდა; პერსონალური კომპიუტერის აპარატურული და პროგრამული უზრუნველყოფის კვალიფიცირებული სპეციალისტის მომზადება, რომელიც ფლობს აპარატურული უზრუნველყოფისა და ოპერაციული სისტემების დაყენების, განახლების, დაზიანებების აღმოფხვრის, ოპტიმიზაციის, დიაგნოსტირებისა და მომსახურებისათვის საჭირო სპეციალურ ტექნიკურ უნარ-ჩვევებს; აქვს სფეროსათვის დამახასიათებელი ძირითადი ფაქტების, პრინციპების, პროცესებისა და ზოგადი კონცეფციების ცოდნა, აცნობიერებს გართულებული ამოცანების შესასრულებლად აუცილებელ ნაბიჯებს.

სწავლის შედეგები:

კურსდამთავრებულს  შეუძლია:

• ააწყოს და დააკომპლექტოს პერსონალური კომპიუტერი;
• დაამოტაჟოს პერიფერიული მოწყობილობები;
• დააინსტალიროს და გამართოს ოპერაციული სისტემი;
• დააინსტალიროს გამოყენებითი პროგრამული უზრუნველყოფა;
• უზრუნველყოს ოპერაციული სისტემის უსაფრთხოება;
• განასხვავოს ქსელების ფუნდამენტური პრინციპები და ტიპები;
• გაარჩიოს ქსელში ინფორმაციის მიმოცვლის მოდელების (TCP/IP,OSI) შრეები და ამ შრეებზე მომუშავე პორტები და ოქმი;
• გამართოს მარტივი სადენიანი და უსადენო შიდა ქსელის გამართვა;
• შეაფასოს აპარატურული და პროგრამული რისკები და განსაზღვროს პრევენციული ზომები;
• მოახდინოს აპარატურული და პროგრამული პრობლემის იდენტიფიცირება და აღმოფხვრას გაუმართაობა.