სასერთიფიკატო კურსის სახელწოდება: მეღვინე-დეგუსტატორი

განხორციელების ადგილი: სსიპ კოლეჯი ,,იბერია“

მისამართი: ქ. ბაღდათი რუსთაველის ქ. N112

ეროვნული კვალიფიკაციის ჩარჩო დონე: მე-5

პროგრამის მიზანი:

მიზანია უზრუნველყოს შრომის ბაზრისთვის კონკურენტუნარიანი, კვალიფიციური მეღვინე-დეგუსტატორის მომზადება, რომელიც დაკისრებულ მოვალეობებს შეასრულებს ხარისხის მოთხოვნების შესაბამისად, შრომისა და უსაფრთხოების ნორმების დაცვით. კურსდამთავრებული შეძლებს მარანში/მეღვინეობის ქარხანაში მუშაობას – მიზნობრივი ღვინისათვის გათვალისწინებული ყურძნის რთველის ვადების დადგენას, ყურძნის მოსავლის აღებასა და მის პირველად გადამუშავებას, საღვინე ტკბილიდან და დურდოდან ღვინომასალების მიღებას, ღვინის მოვლის, დამუშავების, ფილტრაციისა და ჩამოსხმის  ტექნოლოგიურ პროცესებში მონაწილეობას –  შესაბამისი ტექნოლოგიური რუქებისა და  ინსტრუქციების მიხედვით, მზა პროდუქციის დეგუსტაციასა და სენსორული თაიგულის შეფასებას. 14 კვირიანი პროგრამის დასრულების შემდეგ მეღვინე-დეგუსტატორი  აღჭურვილი იქნება პროფესიული და ზოგადი/ტრანსფერული ცოდნითა და უნარებით, გაეცნობა მეღვინეობის  სფეროს ინოვაციურ ტექნოლოგიებს, ღირებულებებსა და ეთიკურ ნორმებს.

სწავლის შედეგები:

1. ყურძნის მისაღებად საწარმოსა და ინვეტარის სამუშაო მდგომარეობაში მოყვანა
2. ყურძნის გადასამუშავებელი დანადგარების გამოყენებით ყურძნის დაწურვა
3. სპირტული დუღილის პროცესის მართვა
4. საღვინე ჭურჭლისა და მოწყობილობების რეცხვა – დეზინფექცია
5. ღვინის მოვლაში მონაწილეობის მიღება
6. ღვინის ლექიდან გადაღება
7. ღვინომასალის გადატანა ერთი ჭურჭლიდან მეორეში
8. ღვინის დამუშავების ტექნოლოგიური საფუძვლების განსაზღვრა
9. ღვინის დაავადებების პრევენციული ღონისძიებების დასახვა
10. ღვინის დამუშავება ტექნოლოგიური სქემის მიხედვით
11. ღვინის ჩამოსხმა და დასაწყობება
12. ღვინის ორგანოლეპტიკური შეფასება
13. ღვინის სერვირება – პრეზენტაცია