სსიპ კოლეჯი იბერია
მაღალკვალიფიციური, კონკურენტუნარიანი კადრების მომზადება ქართული და საერთაშორისო შრომის ბაზრისთვის.
კონკურენტუნარიანი კადრების მომზადება
სსიპ კოლეჯი იბერია არის იმერეთის რეგიონში მოქმედი მრავალპროფილური პროფესიული საგანმანათლებლო დაწესებულება. კოლეჯის მისიას წარმოადგენს ქართულ და საერთაშორისო შრომით ბაზრებისთვის მაღალკვალიფიციური, კონკურენტუნარიანი, გაცნობიერებული და ეფექტიანი გადაწყვეტილებების მიღების უნარის მქონე სამუშაო ძალის მომზადება.
უმაღლესი ხარისხის განათლება
შრომის ბაზრის მოთხოვნების შესაბამისი საბაზო, საშუალო და უმაღლესი საფეხურის პროფესიული საგანმანათლებლო პროგრამების, აგრეთვე მომზადება-გადამზადების მრავალფეროვანი კურსების განხორციელება, თანამედროვე ადაპტირებული ინფრასტრუქტურის განვითარება და საერთაშორისო პროექტებში ჩართულობა.
კოლეჯის ღირებულებები
ძირითადი პრინციპები, რომლებიც განსაზღვრავს კოლეჯი იბერიას თითოეულ გადაწყვეტილებას, აკადემიურ სტანდარტსა და სტუდენტურ სერვისს.
ფოკუსირება მომხმარებლებზე
შრომის ბაზრის, დამსაქმებლისა და მომხმარებლის მოთხოვნებზე დაყრდნობით მაღალი ხარისხის საგანმანათლებლო სერვისების მიწოდება.
ხარისხი და განვითარებისკენ სწრაფვა
საქმიანობის შედეგების პროაქტიული შეფასება, რისკების გამოვლენა და აღმოფხვრა სწავლა-სწავლებისა და მართვის სფეროში.
თანაბარი შესაძლებლობები
ყველა სტუდენტისა და თანამშრომლისთვის თვითრეალიზების თანაბარი შესაძლებლობების უზრუნველყოფა.
ურთიერთპატივისცემა და გუნდური სულისკვეთება
პერსონალის, სტუდენტების, კურსდამთავრებულებისა და დამსაქმებლების ჰარმონიული, ხანგრძლივი თანამშრომლობა.
გამჭვირვალობა და საჯაროობა
საქმიანობის ყველა ასპექტში (სწავლება, ფინანსური მართვა, კომუნიკაცია) პროცესების სრული გამჭვირვალობა.
ჩვენი მასშტაბი და შედეგები
ინფრასტრუქტურის, ავტორიზაციისა და სტუდენტთა წარმატების ოფიციალური მონაცემები
კოლეჯის მოკლე ისტორია
სსიპ-კოლეჯი იბერია სახელმწიფოს მიერ დაფუძნებული მრავალპროფილიანი პროფესიული საგანმანათლებლო დაწესებულებაა, რომელიც ამზადებს სპეციალისტებს ხელოვნებისა და ჰუმანიტარული, ბიზნესის, მომსახურებისა და ინჟინერია-მშენებლობის მიმართულებებით.
2022 წლის 25 აგვისტოს N944008 გადაწყვეტილებით სსიპ-კოლეჯ იბერიას 6 წლის ვადით მიენიჭა პროფესიული საგანმანათლებლო დაწესებულების/კოლეჯის სტატუსი. კოლეჯი იყენებს 6 სრულად რეაბილიტირებულ შენობას, 17 სასწავლო ლაბორატორიასა და 70 სტუდენტზე გათვლილ საერთო საცხოვრებელს. ყველა შენობა ადაპტირებულია შშმ პირთათვის.